كيف تفهم من حولك من الناس

بسم الله الرحمن الرحيم

أعزائي..

أهديكم مفتاح ذكي جدا لفهم الناس في أي مكان وفي أي زمان

وهذا المفتاح صدقوني من النوع الأصلي وعليه ضمان
"أسعد إنسان"

أنا راح أقلكم على هذا المفتاح اللي أرجو أن تستخدموه للخير وللخير فقط



توعدوني...






طيب تمام الآن أقدر أقولكم عن هذا المفتاح الذكي جدا لفهم الناس

أعزائي..

عندما يدور بين اثنين أو أكثر أي حوار فإنه منطقيا يوجد هدف لهذا الحوار

سواء كان على المستوى الواعي أو اللاواعي

أي كان هذا الهدف فإنه لن يخرج عن ثلاث حالات "وهذا هو المفتاح الذكي" من الممكن أن تكون حالة واحدة فقط أو أكثر معا:

1-رغبة في المساعدة

2-رغبة في إيجاد مبررات لفعله

3- رغبة في لفت انتباهك وطلب الاهتمام منك



كيف


خلونا نأخذ مثال:

1-شخص جاء لك وجلس يقولك أنا ما أحد يحبني أنا أحس نفسي مكروه و...و... الخ

ياترى بالمفتاح الذكي هذا الإنسان ايش يبغى

أكيد بتقولوا يبغى اهتمام...صح ماشاء الله عليكم

وبهذي الحالة ما يكون عليك إلا تديه شوية اهتمام وشوية استماع وبكذا راح

تلقاه يقول عنك أحسن واحد قابلته في حياتي..


2- زوجة قاعدة تقول لزوجها تصدق إن شغل البيت يتعب والله أنا طول اليوم راايحة جاية في البيت .....الخ

ياترى بالمفتاح الذكي هذه الزوجة ايش تبغى

أكيد تبغى مساعدة عشان يخف عليها حمل البيت
وممكن تكون تبغى تلفت انتباه الزوج إنها قاعدة تتعب

وبهذي الحالة يكون على الزوج إما مساعدتها أو يسمعها كلام حلو مثل
"من غيرك حياتي سلطة"

وهنا أكيد الزوجة راح تقول قدام صديقاتها أنا عندي اذكي زوج في الدنيا


3-وحدة من الأخوات قالت كذا من غير أي مقدمات أنا أبغى انت....

ياترى بالمفتاح الذكي هذا الانسانه ايش تبغى

أكيد يا تبغى مبرر لفعلتها (وهذا الشيء ممنوووووع منعا باتا)

أو تبغى شوية اهتمام وهذا هو أفضل حل

وبهذي الحالة ما يكون عليك إلا تديها شوية اهتمام وتسألها وتخليها تتكلم وتأخذ راحتها

وهنا أكيد راح تدعيلك لأنك خرجتيها من الحالة اللي هي فيها بكل اقتدار..

أمثلة أخرى

4-نفرض مثلا كنت جاي من الكلية ومبسووووط توك مستلم المكافأة وجا واحد من أخوانك

الصغار وشاف الفلوس وقال لك من زمان ما لعبت سوني...

ياترى بالمفتاح الذكي هذا الإنسان ايش تبغى

تمام... أكيد يبغى منك تعاطف واهتمام

ويبغى منك مساعده بأنك مثلا تشتري له أشرطة أو تلعب معاه


مثال كمان

5-فرضا جاك واحد أو حدة وقال لك أنا تخاصمت مع فلان أو فلانة وكان الموضوع كذا وكذا

وبعدين قلك إيش رايك مين اللي معاه الحق..

ياترى بالمفتاح الذكي هذا الإنسان ايش تبغى

ممتاز... أكيد يا يبغى تبرير للموقف اللي اتخذه

أو يبغى منك مساعده في حل المشكلة

أو يبغى منك تعاطف واهتمام


والآن أعزائي في كم ملاحظة عن المفتاح الذكي

بالنسبة للمبرارات يمنع إعطائها لتبرير الأعمال السيئة
ويرغّب فيها في الأعمال الجيدة

وأما بالنسبة للاهتمام فلا يكون فيه زيادة مبالغ فيها إلا في أول شي بعدها يقل شوي شوي حتى يصير كل شيء تمام

وأما بالنسبة للمساعدة فساعد قد ما تقدر واحتسب الأجر من الله



حاجة أخيرة إذا استفدت من الموضوع اشكر الله

شكرااااا كتير على هذا الموضوع
بجد جميل جدااااا
ومفيد جداااااااااااااااااااا

بجد انتي مواضيعك كلها هادفه وبتدفدنا في حياتنا بجد
تسلم ايدك